Abo ta bay studia dentro di poco na Hulanda

Abo ta bay studia dentro di poco na Hulanda?

E ora ey ta importante pa bo regla algun asunto prome cu bo sali y despues cu bo yega Hulanda

Pa studiantenan di: Boneiro, Saba, Sint Eustattius, Aruba, Sint Maarten en Corsow

Paga tino: studiantenan di Boneiro, Saba y Sint Eustatius cu ta biaha cu guia pa Hulanda, ta ricibi ayudo na;stap 2,5,6 y 7.

Stap 1. Cancelacion di inscripcion for di Registro di Populacion (PIVA)

Dentro di 10 dia prome cu salida, bo ta cancela bo inscripcion for di Registro di Populacion (PIVA). Bo ta haci esaki na Oficina di Censo y Registro Civil. E prueba di cancelacion di inscripcion ta un di e documentonan cu bo tin mester pa inscripcion den e Registracion basico di Persona (BRP) na Hulanda. Na momento di cancelacion bo ta duna di conoce den cua municipio Hulandes bo ta bay biba. Oficina di Censo y Registro Civil ta manda bo dossier pa e municipio ey.

Paga tino: bo ta bay inscribi bo mes na Hulanda den un otro municipio cu esun cu bo a indica na momento di cancelacion? Esaki por conduci na algun siman di retraso di inscripcion den BRP, pa motibo cu ta manda bo dossier pa un otro municipio.

Stap 2. Sita pa inscripcion den BRP

Informa prome cu salida, si ya caba bo por traha un sita pa inscripcion den e BRP serca e municipio Hulandes caminda bo ta bay biba. Dentro di 5 dia despues di yegada na Hulanda bo mester inscribi bo mes den e BRP di e municipio caminda bo ta bay biba. Wak riba e website di e municipio si ya caba bo por traha un cita.

Tip: Puntra serca e municipio caminda bo ta bay biba of cerca e instituto di enseñansa caminda bo ta bay studia, si nan ta organisa dianan di inscripcion pa studiante.Tin biaha municipionan tin citanan apart of dianan di inscripcion pa studiante, pa inscribi bo mes den BRP. Scolnan sa haci palabracionnan al respecto tin biaha tambe cu municipionan.

Stap 3. Documentonan pa inscripcion den BRP

Documentonan cu semper bo tin mester:

• un paspoort valido
• e prueba original di cancelacion for di e Registro di Populacion (PIVA)
• e prueba di adres na Hulanda, por ehempel un copia di e contract di huur of un carta firma y copia di e documento di identificacion di e habitante principal, si e persona duna permit pa biba cerca dje.

Tin biaha e municipio mes ta pidi:

• un acta di nacemento: pidi esaki cerca Oficina di Censo y Registro Civil, na e lugar caminda bo a nace. Bay Hulanda cu e acta original. Si bo mayor no a reconoce bo, bo tin mester di un acta di nacemento pa pidi financiamento di estudio. Bo no a nace na e parti Caribense di Reino? Pidi e ora ei un acta di nacemento (stranhero) na tempo y laga legalisa y traduci esaki si ta necesario. Wak pa mas informacion riba nederlandwereldwijd.nl
• un permit di vivienda: den algun municipio bo tin mester di un permit di vivienda ora bo ta huur un vivienda social of ta bay biba cerca un persona cu tin un cas di huur social. Bo ta pidi un permit di vivienda cerca e municipio prome cu bo inscribi den e BRP.

Stap 4. Formulario di encuesta di BSN

Bo a pidi financiamento di estudio? Via post bo a ricibi di DUO un ‘Bericht studiefinanciering’ y e ‘Formulier bevraging BSN’. Bay Hulanda cu e fomulario.

Stap 5. Inscribi den BRP y ricibi BSN

Inscribi bo mes dentro di 5 dia despues cu bo a yega Hulanda den BRP di e municipio caminda bo ta bay biba. Traha un cita pa esaki cerca e municipio. Inscripcion den BRP ta obligatorio si bo ta keda na Hulanda mas di 4 luna.

Despues di inscripcion bo ta ricibi un `Burgerservicenummer’ (BSN), cu bo tin mester pa pidi un Digitale Identiteit - DigiD (Indentidad Digital), compensacionnan online y habri un cuenta di banco Hulandes

Paga tino: e por dura te 4 siman prome cu bo ricibi bo BSN di e municipio. E municipio ta manda esaki cu post pa bo, na e adres cu bo a inscribi bo mes.

Stap 6. Habri cuenta di banco Hulandes

Despues cu bo a ricibi bo BSN, bo por habri un cuenta di banco Hulandes. Bo por habri un cuenta di banco solamente online? E ora ey hopi biaha bo tin mester di un paspoort Hulandes den kua bo BSN ta para. Bo no tin esey? Traha e ora ey un cita cu oficina di e banco.

Stap 7. Pidi DigiD

Cu un BSN, bo por pidi DigiD tambe. Via e app di DigiD of cu e ‘Aanvraagformulier DigiD’. Cu un DigiD bo ta mustra ken bo ta y bo por regla bo asuntunan mas facil online, por ehempel cu gobierno.

Stap 8. Entrega bo BSN y number di cuenta di banco na DUO

Entrega e formulario ‘Bevraging BSN’, bo BSN y number di cuenta di banco Hulandes na DUO.
DUO tin mester di e datonan aki pa entrega bo bo e producto di biahe pa studiante y registra bo pa
Mijn DUO. Cu e number di cuenta di banco, DUO por paga bo e financiamento di estudio.

Unda bo por acudi?

Adresnan importante

Personanan di contacto pa inscripcion den BRP

Bo kier mas informacion tocante inscripcion den BRP y e documentonan cu bo tin mester pa esey? Tuma contacto cu e personanan di contacto local.

Aruba: info@censo.aw

Corsou: info.bsbv@gobiernu.cw

St. Maarten: burgerzakensxm@sintmaartengov.org

Boneiro: burgerzaken@bonairegov.com St. Eustatius: census.office@statiagov.com Saba: censusmail@sabagov.nl

Linknan y informacion util
Dienst Uitvoering Onderwijs (DUO)

Pa pidi of ora tin pregunta tocante financiamento di estudio. www.duo.nl/antillen

Rijksdienst Caribisch Nederland

Informacion tocante studia na Hulanda y e subsidio pa start. www.rijksdienstcn.com/studiefinanciering studiefinanciering@RijksdienstCN.com

Arubahuis

Seccion di Enseñansa di Arubahuis ta duna studiantenan di Aruba informacion promé cu nan sali pa Hulanda. Na Hulanda nan ta yuda cu acogida y guia di studiantenan cu tin financiamento di estudio di Aruba. Den cada region Hulandes tin un mentor di estudio cu ta guia e studiantenan ey.

www.arubahuis.nl/afdelingen/onderwijs www.ea.aw/pages/studia-na-hulandaw info@arubahuis.nl

arubalening@ea.aw (fiansa di estudio)

Stichting Studiefinanciering Curaçao (SSC)

Na Corsou SSC ta atende peticion pa financiamento di estudio pa studiantenan di Corsou. Na Hulanda e seccion ta atendé cu acogida, guia y alohamento pa studiante. Cada region na Hulanda tin mentornan cu ta guia e studiantenan ey.

www.ssc.cw info@ssc.cw

Dienst Studiefinanciering Sint Maarten (DSF)

DSF ta regla financiamento di estudio adicional pa studiantenan di Sint Maarten. Na Hulanda tin mentor y buddy cu ta sostené y guia studiantenan cu un fiansa di estudio di Sint Maarten.

www.studyfinancing-sxm.com/ info@studyfinancing-sxm.com

Bo kier sa mas?

Bo tin pregunta tocante inscripcion den BRP na Hulanda of haya un BSN? Tuma contacto cu RvIG, via info@rvig.nl of 088 900 1000.

Colofon

Rijksdienst voor Identiteitsgegevens

Ministerie van Binnenlandse Zaken en Koninkrijksrelaties Postbus 10451 | 2501 HL Den Haag

www.rvig.nl