Informacion pa studiantenan di Aruba, Corsou, Sint Maarten y Hulanda Caribense

Abo ta bay studia dentro di poco na Hulanda?

E ora ey ta importante pa prome cu salida y despues di yegada na Hulanda bo regla algun asunto pa bo inscripcion na Hulanda.
Pa studiantenan di: Boneiro, Saba, Sint Eustatius, Aruba, Sint Maarten, Corsou

Stap 1. BSN ora di pidi financiamento di estudio

Bo ta pidi financiamento di estudio pa un estudio na Hulanda? Y bo tin nacionalidad Hulandes y bo no tin un Burgerservicenummer (BSN, Number di servisio sivil) ainda? E ora ey bo ta ricibi un BSN ora bo pidi financiamento di estudio. Cu bo BSN bo por cuminsa regla asuntonan na Hulanda, asta si bo no ta na Hulanda ainda. Pa pidi financiamento di estudio wak riba DUO.

Bo no ta pidi financiamento di estudio? E ora ey ta te ora bo ta na Hulanda bo por pidi BSN. Den e caso ey bo ta ricibi un BSN despues di inscripcion den e Registro Basico di Persona (BRP) di e municipio Hulandes caminda bo ta bay biba.

Stap 2. Ricibi bo BSN

Bo ta ricibi bo BSN cu post di Rijksdienst voor Identiteitsgegevens (RvIG). Pa motibo cu post pa e area Caribense tin biaha por tarda hopi, bo por cuminsa pidi bo BSN telefonicamente tambe serca DUO.
Pa haci esey bo tin cu warda riba e e-mail di DUO cu e mensahe cu bo peticion pa financiamento di estudio ta procesa. Den e e-mail ey tin e number di telefon caminda bo por pidi bo BSN.

Stap 3. Pidi y activa DigiD

Cu bo BSN, bo por pidi bo DigiD. DigiD ta e herment pa log in online pa gobierno. Bo tin mester di bo DigiD pa entre otro bo producto pa biaha di studiante y pa log in riba Mijn DUO. Mas informacion tocante peticion y activacion di bo DigiD bo ta haya riba e website di DigiD.

Stap 4. Afspraak cu municipio pa inscripcion den BRP

Bo ta obliga pa dentro di 5 dia despues di yegada na Hulanda pa inscribi bo mes den BRP di e unicipio caminda bo ta bay biba. Wak riba e website di e municipio si bo por cuminsa traha un afspraak pa inscripcion den BRP.

Tip: tin biaha municipionan tin afspraak- of dianan di inscripcion pa studiante apart pa nscripcion den BRP. Puntra pa e posibilidad aki serca e municipio caminda bo ta bay biba of e instituto di enseñansa caminda bo ta bay studia.

Stap 5. Kita nomber for di administracion di poblacion

Kita bo nomber for di e administracion di poblacion di e isla caminda bo ta biba dentro di 10 dia prome cu salida. Esey ta obligatorio. Ora bo kita bo nomber, bisa den cua municipio bo ta bay biba na Hulanda. Bay Hulanda cu e comprobante di cancelacion di inscripcion, esaki ta un di e documentonan cu bo tin mester pa inscripcion na Hulanda.

Paga tino: bo ta registra bo mes na un otro municipio Hulandes cu esun cu bo a indica ora di kita nomber? E ora ey ta manda bo datonan persona pa un otro municipio. Esaki por conduci na algun siman di retraso di bo inscripcion den BRP.

Stap 6. Inscripcion den BRP na un municipio

Si bo ta keda Hulanda mas cu 4 luna bo ta obliga di inscribi bo mes den BRP. Bo mester haci esaki dentro di 5 dia despues di yegada, na e municipio caminda bo ta bay biba. Traha un afspraak pa esaki serca e municipio.

Documentonan cu semper bo tin mester:

• un paspoort valido;
• e comprobante original di kitamento di nomber for di den administracion di poblacion;
• e comprobante di adres caminda bo ta bay biba na Hulanda. Por ehempel un copia di e contracto di huur of un carta firma y copia di e documento di identificacion di e habitante principal, si e persona ta duna permit pa biba serca dje.

Tin biaha un municipio ta pidi tambe:

• un acta di nacemento: pidi esaki cerca Censo, na e luga caminda bo a nace. Bay Hulanda cu e acta. Bo no a nace na e parti Caribense di Reino? Pidi e ora ey un acta di nacemento (di exterior) na tempo y si esey ta necesario laga legalisa y traduci esaki. Wak pa mas informacion riba nederlandwereldwijd.nl.
• un permit di vivienda: na algun municipio bo tin mester di un permit di vivienda si bo ta huur un cas social of ta bay biba den cas cerca un persona cu un cas di huur social. Bo tin cu pidi un permit di vivienda cerca e municipio prome cu inscripcion den BRP. Wak riba website di e municipio si bo tin mester di un permit di vivienda.

 

Unda bo por acudi? Linknan y informacion util

Dienst Uitvoering Onderwijs (DUO)

Pa peticion di of preguntanan tocante financiamento di estudio.
+31 (0)50 599 77 55
www.duo.nl/antillen

Rijksdienst Caribisch Nederland

Informacion tocante e compensacion di inicio.
+599 715 83 33
www.rijksdienstcn.com/studiefinanciering
studiefinanciering@RijksdienstCN.com

Arubahuis

Seccion di Enseñansa di Arubahuis ta duna informacion na studiantenan di Aruba prome cu salida pa Hulanda. Na Hulanda nan ta yuda den acogida y guia di studiantenan cu un financiamento di estudio di Aruba. Den cada region Hulandes tin un mentor di estudio cu ta guia e studiantenan ey.
+297-528-3400 | +31 (0)70 356 62 00
www.arubahuis.nl/afdelingen/onderwijs
www.ea.aw/pages/studia-na-hulanda
info@arubahuis.nl | arubalening@ea.aw (studielening)

Stichting Studiefinanciering Curaçao (SSC)

Na Corsou SSC ta atende peticion pa financiamento di estudio pa studiantenan di Corsou. Na Hulanda e seccion ta atendé acogida, guia y luga di keda pa studiante. Cada region na Hulanda tin mentornan cu ta guia studiante.
+599 9 724 7272 | +31 (0)30 285 5070
www.ssc.cw | info@ssc.cw

Dienst Studiefinanciering Sint Maarten (DSF)

DSF ta regla finaciamento di estudio complementario pa studiantenan di Sint Maarten. Na Hulanda tin mentor- y buddynan cu ta sostene y guia studiantenan cu un financiamento di estudio di Sint Maarten.
+1-721-527-3840
www.studyfinancing-sxm.com/ | info@studyfinancing-sxm.com

Bo kier sa mas?

Bo tin pregunta tocante inscripcion den BRP na Hulanda of tocante recepcion di un BSN? Tuma contacto cu Rijksdienst voor Identiteitsgegevens (RvIG), via info@rvig.nl of +31 (0)88 900 1000.

Download PDF